“მრცხვენია ჩემი ორიენტაციის”, ანუ, გულწრფელი აღიარება…

მიყვარს - როდესაც ხატის წინ, ანთია წმინდა სანთელი;
ვოცნებობ - 2012 წლის 22 დეკემბერს დავამთქნარო, დავაცემინო, გავიზმორო ან პურის საყიდლად წავიდე;
ვფიქრობ – აქ რა დავწერო…
მძულს – ფაღარათის სამკურნალო წამლის რეკლამა, ხვნეშია მამა საპირფარეშოდან სანთლებს რომ აქრობს…
ვ-ნანობ -  ნანი ბრეგვაძეს; 

"პოლე ჩუდესის" მერე ჩნდებოდა ეს ამაზრზენი არსება...

 მენატრება – ის დრო, ტელეკომპანია “ВИД”-ის ლოგოსი რომ მეშინოდა;
მსურს – თემქა სამყაროს ცენტრად გამოაცხადონ;
მაღიზიანებს – კაცები, რომლებსაც ცალი ხელით აწეული მაიკა უჭირავთ და მეორეთი ბანჯგვლიან მუცელს იფხანენ;
მეშინია – გუდიანი ბუების;
 ვიცი – რომ სოკრატემ იცოდა, რომ არაფერი იცოდა;
არ ვიცი – ლაპარაკი “ლენინა”-ს თქმით რატომ დავიწყე;
შემიძლია -  ყველაფერი, შეუძლებლის გარდა;
არ შემიძლია – ზედიზედ 9 სუდოკუს ამოხსნა;
ვმეგობრობ – ძირითადად ადამიანებთან;
ვაპატიებ – ღალატს (აბა სხვა ყველაფერი ბანალურია);
в ტირი – იშვიათად მიმართლებს;
ვიცინი – კარგი მსახიობია, განსაკუთრებით მომწონს “კავკასიელ ტყვე ქალში” ;

"ვიცინი(თ)"

ვეძებ -”google”-ში;
ღირსი ვარ – ანჯელინა ჯოლიმ დამირეკოს და სიყვარული ამიხსნას;
ვკარგავ -  ყველაფერს, რასაც გახვრეტილ ჯიბეში ჩავიდებ;
მშურს – ჯესიკა ალბას საბნის;
ვე-მალები – ნებისმიერს, ვისაც მალა დააკლდება (თუ დაჭირდა);
ვემტერები – კოღოთა მოდგმას;
მაინტერესებს – ამხელა ანკეტას ბოლომდე ვინ წაიკითხავს;
არ მაინტერესებს – რას ფიქრობს ელტონ ჯონი ჩემზე;
მახსოვს – რას ვფიქრობდი მე ელტონ ჯონზე, სანამ ეთიკურობის შესახებ შევიტყობდი; 

"ელ ტანჯული"

მრცხვენია – ჩემი ორიენტაციის;
უარვყოფ – შემოთავაზებას შევიმეცნო ნამდვილი ღმერთი;
ავადვმყოფობ – კვირაში ორჯერ: სამშაბათს და ხუთშაბათს;
ვმალავ - თვალის გუგებს, როცა მძინავს;
ვინახავ - დიდი რაოდენობით ფულს, საქართველოს ბანკის ანგარიშზე 4450 0098 7743 5122, პაროლია: ccz67BKr;
მწამს – თქვენი პატიოსნების;
მიკვირს –  რატომ იფიქრეთ ზემოთ მაინცდამაინც სექსუალური ორიენტაცია! პოლიტიკური ვიგულისხმე
მიხარია - რომ ასეთი გულკეთილი და სათნო საფეხბურთო ნაკრები გვყავს;
ვჭორაობ – (როცა) მეტი საქმე არა მაქვს;
ვდარდობ -  ჰექტორ რაულ კუპერის სათუთ ფსიქიკაზე;
ვამაყობ – რომ “თბილისური love story”-ს პრომომ ვერ მომატყუა;
ვეფერები – იაფად, ბინაზე მისვლით;
მსიამოვნებს – “ნავტიზინი” როცა გაციებული ვარ;
მესიზმრება - გადამდგარი სააკაშვილი (სახალისო სიზმარია);
ვეწევი - ანტინიკოტინულ კამპანიას საზოგადოებაში;
მწყინს – ძირსნაყარი პროდუქტები;
ვხარჯავ - ელექტროენერგიას, თუნდაც ამ სიტყვა “ელექტროენერგიის” აკრეფვის დროს;
ვღალატობ – ჯერ რა დროს ცოლია;
ვკამათობ – როდესაც ჭეშმარიტების ბებიაქალობა მსურს;
ვუხეშობ – “Enter”-თან მიმართებაში, ვურტყამ ხოლმე;
ვუსმენ –  რაც კომპიუტერში მაქვს;
ვყოყმანობ – “ჰოპლა” გადახტომამდე დავიძახო თუ მერე;
ვკითხულობ – ჟურნალ “რეიტინგსაც” კი;
ვამზადებ - აბიტურიენტებს ფსიქოლოგიურად;
ვუ-ყურებ – ვან-გოგს;

"ჩემი ყური ხომ არ გინახავთ?"

ვკლავ – მხოლოდდამხოლოდ დროს;
ვცხოვრობ – ოთახებში;
ვცემ - ბუკს, ნაღარას და ბოლთას;
ვყვირი – როცა მეცხრე სართულზე მცხოვრებ მეგობარს დაბლიდან ვესაუბრები;
ვმღერი – გულში;
ვასრულებ - გარშემომყოფთა სურვილს, მხოლოდ გულში ვიმღერო;
ვმკურნალობ – წამწამების გადახლართვას;
ვერიდები – მთვრალ და მსუქან ბიძასთან ჩახუტებას, როცა ასლოკინებს;
ვთამაშობ – მავანთა ნერვებზე (ხანდახან);
ვიტყუები – გაწითლებამდე;
ვეთაყვანები – იხ. “ვჭორაობ” (“როცა”-ს გარეშე);
ვგიჟდები – ადამიანზე, ვინც პარიზის ორკაციან და ერთკვირიან საგზურს მაჩუქებს;
ვაგროვებ – ქაღალდის ლარიანებს და ორლარიანებს, ოდესმე ძვირად გავყიდი;
ვეჭვიანობ – ბრედ პიტზე;
“ვკაიფობ” – სამარხვო აჭარული ხაჭაპურის არსებობაზე;
ვიზიდავ – კოღოებს და უსიგარეტო მწეველებს, ფრაზით: “სიგარეტი ხომ არ გაქვს?”;
ვა,ლამა,ზებ – რა?
მაპატიეთ - მზაკვრული სათაურისთვის, აბა ისე ამას ბოლომდე ვინ წაიკითხავდა?

პ.ს: ამ ანკეტის შესავსებად ვერ მოვიფიქრე ვინ გავწირო და ვისაც გინდათ დაი-თა(ნ)გ-ეთ თავი თქვენი სურვილით